Promocións vixentes

BASES LEGAIS DA PROMOCIÓN “PLAN AMIGO”

1. Obxecto da promoción

A promoción Plan Amigo ten como finalidade premiar ás persoas clientes de IteGal que recomenden o servizo de acceso a internet a novos clientes, de acordo coas condicións establecidas nas presentes bases legais.

2. Ámbito de aplicación

A promoción será válida unicamente nas zonas nas que IteGal dispoña de cobertura para o servizo de acceso a internet.

3. Participantes

Poderán participar na promoción:

Persoas clientes actuais de IteGal que estean ao día nas súas obrigas de pagamento.
Novas persoas clientes recomendadas que non fosen clientes de IteGal nos doce (12) meses anteriores á solicitude de alta.

4. Servizos incluídos

O Plan Amigo aplicarase exclusivamente ao servizo de acceso a internet, quedando expresamente excluídos outros servizos como a telefonía móbil, a telefonía fixa ou calquera outro servizo adicional.

5. Condicións do desconto

O desconto aplicarase unha vez que a nova persoa cliente teña activado o servizo e aboado os seus tres primeiros meses completos.
O desconto realizarase directamente na factura da persoa cliente beneficiaria.
En ningún caso o desconto será canxeable por diñeiro en efectivo nin por outros beneficios distintos aos establecidos nesta promoción.

6. Cancelación anticipada

No caso de que a nova persoa cliente cause baixa do servizo dentro dos primeiros seis (6) meses desde a alta, IteGal resérvase o dereito de recuperar o importe do desconto aplicado no marco do Plan Amigo.

7. Limitacións e exclusións

IteGal resérvase o dereito de:

Excluír da promoción aquelas altas que non cumpran as condicións establecidas nestas bases.
Modificar ou cancelar a promoción en calquera momento, informando debidamente ás persoas clientes polos medios habituais.

8. Aceptación das bases

A participación na promoción Plan Amigo implica a aceptación íntegra das presentes bases legais.